Alan sensin veren sensin kılan sen
24.02.2019
Alan sensin veren sensin kılan sen
Ne verdinse odur dahî nemiz var
Hakîkat üzre anlayıp bilen sen
Ne verdinse odur dahî nemiz var
Tutan el ve ayak senden gelüptür
Gören göz ve kulak senden gelüptür
Efendi dil dudak senden gelüptür
Ne verdinse odur dahî nemiz var
Hudâyâ biz bu zâtı kande bulduk
Yâ ef’al ü sıfâtı kande bulduk
Fenâyı yâ sebâtı kande bulduk
Ne verdinse odur dahî nemiz var
Bizim ahvâlimiz ey Hayy u Kayyûm
Cenâb-ı Pâkine hep cümle ma’lûm
Buyurdun oldu illâ kaldı ma’dûm
Ne verdinse odur dahî nemiz var
Hüdâyî’yi sen eriştir murâda
Senindir çünkü hükm arz u semâda
Efendi dahli yok ğayrın arada
Ne verdinse odur dahî nemiz var
Prof. Dr. H. Kâmil Yılmaz
AZÎZ MAHMÛD HÜDÂYÎ
Ve Celvetiyye Tarîkatı
