Fâ`ilâtün fâ`ilâtün fâ`ilâtün fâ`ilün
1 `Alemün hüsn-i cihân-ârâyile makbûlidür
Pâdişâh-ı vaktdür ol şâh dünyâ kulıdur
2 Dâ'imâ tenden geçerse câna tîri gam degül
Sadr-ı sîne nâvek-i sultân-ı hüsnün yolıdur
3 Öykünürmüş kâmet-i `ar`ar-hırâm-ı yâre serv
Itdiren ana bu da`vâyı mukarrer tûlıdur
4 Dâmen-i çerhi dilâ hûn-ı şafak tutsa nola
Zîr-i hâk olup yatanlar hep anun maktûlidür
5 Sînesin pür-dâg idüp gögsin geren abdâlı gör
Anı magrûr eyleyen Yahyâ bir iki pulıdur
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147