Añalum ol güni kim anda varub âhir kâr
25.07.2017
· · − − / · · − − / · · − − /· · −
Der-Kâfiye-i Müreddef Be-Elif În-câ Râ’ Revî
1 Añalum ol güni kim anda varub âhir kâr
Niçe biñ biñ bülbül turavuz zârî ile ‘âciz ü zâr
Zî-sa’âdet aña kim ola yatacak yiri nûr
Zî-şekâvet aña kim olur açuk yiri nâr
Olısar ‘afv ‘afuvv-ile ne şübhe ma’fuv
Aña kim ola şefâ’atci resûl-i muhtâr
Bu cihânuñ nesine aldanur âyâ kişi kim
Varlıgı hod olısar yok ne ki var-ısa feşâr
5 Cevri bu çarh cefâ-kâr ü sitem-ger dâruñ
Nerd-i gamda ider âh âdemi döne döne zâr
Güci yitdügini hep güce görüb ehl-i sitem
Zâr idüb zârî ile göñlini eyler âzâr
Nazmiyâ koya bu dünyâyı o kim yok yirine
Her nesi varsa Hak yolına eyler îsâr
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr
