KategorilerŞİİRİSTANEmrî Emrullah Şiirleri Anberîn kâkül cebînüñ üzre şekl-i cîmdür

Anberîn kâkül cebînüñ üzre şekl-i cîmdür

28.07.2017
 
Fâ‘ilâtün Fâ‘ilâtün Fâ‘ilâtün Fâ‘ilün(1)
 
1. ‘Anberîn kâkül cebînüñ üzre şekl-i cîmdür
 Zerre agzuñ mihr üstinde yazılmış mîmdür
2. Mihr ü mâh ise iki ‘uryân abdâluñ-durur
 Hûblukda dôstum fevkuñda şimdi kimdür
3. ‘Ârız-ı zîbâñ içinde hâl-i müşgînüñ senüñ
 Gülşen olmış aña âteş sanki İbrâhîmdür
4. Gabgabuñla kâmetüñ ey serv-i bâlâ rastî
 Bir gümiş turunc göstermiş nihâl-i sîmdür
5. Dürri dendân-ı nigâra beñzedürdüm Emriyâ
 Zerre agzı eyledür kim aña sıgmaz nîmdür
 
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
 
Yorum yapmak için lütfenKayıt Olunya da