FāǾilātün FāǾilātün FāǾilātün FāǾilün

 

1 ǾĀşıķa ol meh düçār olsa ķaçar pehlū virür

āb içün aġyāra bālin istese zānū virür

 

2 Maķśadı luŧf olsa Ǿuşşāķa gelür yüz gösterür

Ol nihāl-i Ǿişve gülden śoñra şeftālū virür

 

3 Sāķį-i bezmüñ helāk-ı vażǾ-ı nā-bercāsıyam

Baña öpdürmez ayaġın ġayra ol meh rū virür

 

4 Yād-ı zülfüñle cünūn deştinde āh u giryeden

Ol ķadar kim şāħ-ı āhū sünbül ü şeb-bū virür

 

5 Şöyle Ǿāşıķ kişidür ol bį-emān kim Ĥāmiyā

Günde biñ kez ġamze-i ħūn-rįzine baķ śu virür

 

 

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017