Âşıkuz ‘aşka ibtilâmuz var
22.07.2017DER-NA‘T-İ ŞERÎF
Hafîf: Fe‘ilâtün mefâ‘ilün fe‘ilün
+ + – – / + – + – / + + –
01. ‘Âşıkuz ‘aşka ibtilâmuz var
Mübtelâyuz ne hoş belâmuz var
02. Ne belâ kût-ı rûh u kuvvet-i kalb
İbtilâsıyl’anuñ safâmuz var
03. Hükm-i sultân-ı ‘aşka teslîmüz
Tutaruz buyruğın rızâmuz var
04. Genc-i ‘aşk-ıla kâm-rânuz biz
Sanmañuz düşmişüz fenâmuz var
05. Mâlik-i gevher-i tesellâyuz
Hv
âce-i ‘âlemüz gınâmuz var
06. Nâ-be-sâmânsañ felek senden
Ne murâd u ne hod ricâmuz var
07. Bahtumuz nâ-müsâ‘id olmağ-ıla
Bizi zann eyleme cefâmuz var
08. Gerçi nâ-kâm-ı bahtuz ammâ kim
Sâğar-ı şevk-ıla safâmuz var
09. Mâh-ı nev gibi dil-şikeste isek
Yine rûşen-dilüz ziyâmuz var
10. Halk-ıla ihtilâtı terk etdük
Fâriğu’l-bâlüz inzivâmuz var
2. 76b
.
01b ne hoş: ‘aceb.
59
11. Mütevekkil ‘alallâhuz dâyim
Şekker-i şükrden gıdâmuz var
12. Merd-i bî-‘akl-ı dâr-ı teklîfüz
Ne sevâb ü ne hod hatâmuz var
13. Hâne-ber-dûş u hânumân-sûzuz
Sanmañuz câha i‘tinâmuz var
14. Biz ne mîr ü ne şâha mu‘temedüz
Fukarâyuz bizüm Hudâmuz var
15. Sûde-pîşân-ı dergeh-i Şâhuz
Rûz u şeb aña ilticâmuz var
16. O Şehenşâh-ı mülk-i ma‘nînüñ
Kulluğın eylerüz zekâmuz var
17. Ümmet olduğumuzda ol şâha
Cümle mahlûka i‘tilâmuz var
18. Ya‘nî dergâh-ı Şâh-ı kevneyn′e
Rûy-mâl eylerüz senâmuz var
19. Gül-i gülzâr-ı vahy o Şâh-ı güzîn
Bülbülüz aña hoş nevâmuz var
20. Nâzım-ı dürr-i tâc-ı i‘câzuz
Na‘t-i pâkinde hûb edâmuz var
21. Câdde-i şer‘idür tarîk-ı necât
Sâliküz aña reh-nümâmuz var
22. Çekmezüz zulmet-i dalâl elemin
Nûr-bahş-ı cihân zekâmuz var
23. Olmazuz dâ’-i ism-ile gamnâk
Dağ-ı ‘aşkı gibi devâmuz var
18b senâmuz: Metinde senâmuz.
20a i‘câzuz: levlâküz.
60
24. Merkad-i pâkine çerâğa sezâ
Tuhfe-i dağ-ı bî-riyâmuz var
25. Hâk-i pâyı gibi bi-hamdillâh
Dîde-i kalbe tûtiyâmuz var
26. Ne keder hevl-i rûz-ı mahşerden
Ahmed-i sâhibü’l-livâmuz var
27. Umaruz hüsn-i hâtemi zîrâ
Hâtem-i rusl ü enbiyâmuz var
28. Dü cihânda Beyânî gam yemezüz
Böyle bir şâh-ı dü-serâmuz var
29. Nüsha-i na‘tinüñ hitâmında
Ba‘is-i mağfiret du‘âmuz var
Fatih BAŞPINAR, BEYÂNÎ [ö. 1075/1664-5] DÎVÂN İnceleme – Metin, https://ekitap.kulturturizm.gov.tr/Eklenti/10598,beyani-apdf.pdf?0
0
0
Yorum Yapmak için Kayıt Olun veya Giriş Yapın