Aşinâ olmasa bir kulzüm-i zehhâra sadef

Fe`ilâtün fe`ilâtün fe`ilâtün fe`ilün

 

 1 Aşinâ olmasa bir kulzüm-i zehhâra sadef

 Mâlik olur mı idi lü'lü-`i şehvâra sadef

 2 Olmadı sînesi âyîne-i rûy-ı dil-dâr

 Olmayınca bu temennâ ile sad-pâre sadef

 3 Çâk çâk eyler ise sîneni yâr incinme

 Pâre pâre olıcak kâbil olur kara sadef

 4 Dür sadefde bulınur çünki sadef deryâda

 Sa`y ü cid bahrine gavvâs olup ara sadef

 5 Feyz-i nîsân-ı `atâdur nola Yahyâ diseler

 Pâk ma`nâya dür ü nazm-ı dürer-bâra sadef

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147