Aşk-ı bâlâ-rev ruh-ı dildâra etmez iltifât

 

Aşk-ı bâlâ-rev ruh-ı dildâra etmez iltifât

 Ol hümâ-yı lâ-mekân gülzâra etmez iltifât

 

 Hey aceb çeşmim dil-i pür-hûnumuzdan bî-niyâz

Mest olur hem sâgar-ıser-şâra etmez iltifat

 

Deyr-i aşkın büt- perestânı heme Hak bîndir

 Berhemenler sûret-i dîvâra etmez iltifât

 

Gülsitân-ı hüsn sertâser tecellî-zârdır

Jâlesi hurşîd-i pür-envâra etmez iltifât

 

Hasta çeşmin eylemez lâl-i revânbahşa nazar

Neyler ol Îsâ’yı kim bîmâra etmez iltifât

 

Hîr ü şekkerdir Celâliyle Cemâl ammâ yine

 Merd-i vahdet subha-i zünnâra etmez iltifât

 

Çâre-reslik gamzeye kânûn-ı hikmetken yine

Ben demem ki Gâlib-i nâçâra etmez iltifât

 

https://ekitap.kulturturizm.gov.tr/Eklenti/10654,metinpdf.pdf?0