Aşk-ıla tâ kim bizüm var özge bir hâlâtımuz

 

[Fâ’ilâtün Fâ’ilâtün Fâ’ilâtün Fâ’ilât]

− · − − / − · − − / − · − − / − · −

 

1 ‘Aşk-ıla tâ kim bizüm var özge bir hâlâtımuz

 Anuñ-ıla hoş geçer her demde hoş evkâtımuz

 Hâlet-i ‘aşkuñ delîlidür bu âh-ı âteşîn

 Gün gibi rûşendür anuñla aña isbâtımuz

 Nola idinsüñ varub meyhâne-i muhkem hisâr

 Kim müdâm anuñladur cünd-i gama gârâtımuz

 Sâkî-i meh-çehrenüñ seyr eylerüz ‘aks-i ruhın

 Bezm-i meyde elde sâfî câmdur mir’atimüz

5 Nola pür-sûz olsa her söz nazmımuzda Nazmiyâ

 ‘Aşk hâlinden haber virür kamu ebyâtımuz

 

Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr