Fāʿilātün fāʿilātün fāʿilātün fāʿilün

Āteş·i ʿışḳa ol ʿāşıḳlar ki cānıñ yaḳdılar
Buldılar vuṣlat ebed çünkim cihānın yaḳdılar

Yanmasun mı ʿāşıḳ·ı bī-çāreler pervāneveş
Māh-rūlar çünki ḥüsni şemʿadānın yaḳdılar

Hicr(i)le ṣanma seni yaḳdı vucūdum ẖūblar
Ey nice dil mülketinüñ ẖānümānın yaḳdılar

Lāʿline öykindügiçün lāle ruẖsārına şemʿ
Lāleye dāġ urdılar şemʿüñ zebānın yaḳdılar

Dil(i)le cān virdi Mihrī tercemān dil-berlere
Aldılar göñlin ʿaceb bu tercemānın yaḳdılar

Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4