Fâ‘ilâtün Fâ‘ilâtün Fâ‘ilâtün Fâ‘ilün
 
1. Âteş-i hasretle bağrım der kebâb-ender-kebâb
 Merhamet hengâmıdır ey mug kücâ câm-ı şarâb
2. ‘Arsa-i sevdâda cevlân eyler esb-i himmetim
İştiyâkım yer-be-yer gerçi tamâm olmuş şebâb
3. Mest-i bezm-i ‘işretem bî-mey-durur keyfiyyetim
 Hâsılımdır zevk-ı bî-teşvîk u bî-bâng-i rebâb
4. Anlamaz ehl-i nazar keyfiyyetin ma‘zûrdur
 Sôfî zîrâ kâr-ı bî-dâr anı bilmez mest-i hâb
5. Yaşım artar gam hücûmundan saçar âhım şerer
 Böyledir kim berk-ı lâmi‘ yağmur olmaz bî-sehâb
6. ‘Ârif olmaz kâr-ı erbâb-ı vera‘dan münfa‘il
 Kim olur ashâb-ı temkîn bî-hatar bî-ıztırâb
7. Âşkârâsın hüveydâ şems tek ammâ sana
 Ey Nigârî güft ü gûy ‘âşıkãnendir kıbâb
 
SEYYİD MÎR HAMZA NİGÂRÎ
Prof. Dr. Azmi Bilgin , Nigârî [ö. 1885], DÎVÂN, 2011, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, 3289 KÜLTÜR ESERLERİ 482