Âteş olmazdı o gül-çihre nigâh eylemesek
16.09.2017
354
Fe‘ilâtün Fe‘ilâtün Fe‘ilâtün Fe‘ilün
1 Âteş olmazdı o gül-çihre nigâh eylemesek
Gül-i ruhsârını pejmürde-i âh eylemesek
2 Kime vakf eyler idi sâye-i lutfın ‘acebâ
O sehî-serv-i ser-efrâzı penâh eylemesek
3 Şüste-rûy-ı yem-i rahmet kim olurdı âyâ
Yüzümüz reng-i günâh ile siyâh eylemesek
4 Yem-i bî-sâhil-i gufrân-ı Cenâb-ı Bârî
Kime mevkûf idi biz cürm ü günâh eylemesek
5 Elem-i nîş ile vâ-reste-i nûşuz SÂKIB
Gam-ı ‘azl ile n’ola hvâhiş-i câh eylemesek
Kırbıyık, Mehmet. Kâtib-zâde Sâkıb Dîvânı. https://ekitap.kulturturizm.gov.tr/dosya/1-275466/h/katibzade-sakib.pdf [erişim tarihi: 01.05.2013]
Yorum Yapmak için Kayıt Olun veya Giriş Yapın