Atlas-ı sürh ile sadr üzre döşensün yirleri

Fâ‘ilâtün Fâ‘ilâtün Fâ‘ilâtün Fâ‘ilün(1)

 

1. Atlas-ı sürh ile sadr üzre döşensün yirleri

 Cân evine okı ey dil nâvek-i dilberleri

2. Diş sırıtma dürr-i dendânından ey dil kimseye

 hokka-i kalbüñde pinhân eyle ol gevherleri

3. Her biri billûr-veş hurşîde karşu berk urur

 Oldı rahşân âsumân-ı hüsnüñüñ ahterleri

4. Murg-ı tîrüñ bâg-ı sînemden geçerken bâl açup

 Ey kemân-ebrû kararmış dûd-ı dilden yirleri

5. Sanma merdüm hâlî dâne-i ‘ineb itmiş tılısm

 Pür-şarâb olur müdâm andan gözüm sâgarları

6. Kasd idersin çeşm-i hûn-âlûd-ı yârı öpmege

 Çevresinde ey göñül görmez misin hançerleri

7. Nâr-ı gamla oldı Emrînüñ begüm eczâsı kül

 Dâg-ı ahmerler degül vardur henüz ahkerleri

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427