- / - . - - /- . - - /- . –

 

Ay ü gün görüp cemâlin oldı ser-gerdân ana

Kim ana hayrân degül ben olmışam hayrân ana

Yazalı yârün berât-ı hüsnine kaşı nişân

Geldi dil-berler içinde haylice ‘unvân ana

Yüz çevürmez ey kemân-ebrû kılıcundan gönül

Oklarunla sîne çün oldı sınuk kalkan ana

Hüsni artar her kaçan kim yâr zülfin şâneler

Hayli şan virmiş durur zülf-i ‘abîr-efşân ana

‘Iyd-ı vaslum isteyenler terk-i cân itsün dimiş

Öleyin öninde anun olayın kurbân ana

Hüsnün eyyâmında yad itdün Revânî bendeni

Pâdişâhum çok degül mi bu kadar ihsân ana

 

Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8