Bâde-i ‘aşkuz dil-i Mecnûn’dur peymânemüz
‘Akl-ı küll olsa revâdur sâkî-i mey-hânemüz

 

Özge hurşîdüz ziyâmuz ‘âlemi târîk ider
Turfa şem‘üz şu‘lemüzdür hem yine pervânemüz

 

Merdüm-i çeşm-i dilüz tenhâ-nişîn olsak eğer
Dîde-i nâ-mahremîdür cây-ı halvet-hânemüz

 

‘Âlem-i ‘aşkuz ki feyz alsa hevâmuzdan bizüm
Sad hezârân ‘akl-ı Eflâtûn olur dîvânemüz

 

Haşre dek pür-hˇâb olurdı çeşm-i bî-dârı Fehîm
Bir gece gûş eylese şahs-ı ecel efsânemüz