-.-- / -.-- / -.-- / -.-
 
Bâg-ı ‘âlemde kalur mecbûl-i bî-fer gül garîb
Nagme-sâz-ı tab‘-ı ‘uşşâk olmasa bülbül garîb
Hayl-i ezhâr içre zanbak kâm-rân-ı ser-firâz
Gömgök itmiş derd-i ‘aşk ile tenin sünbül garîb
Şehr-i gülzâr-ı vücûd içre terennüm-sâzdur
Nâle vü feryâd ile mânend-i bülbül dil garîb
Duhter-i rez hayli müddetdür tasarruf-kerdesi
Dest-i rind içre mukayyed oldı gitdi mül garîb
Hâl-i ‘anber-bûy-ı yâre öykünürmiş gâlibâ
Eylemiş kendin siyeh-rû ‘âleme fülfül garîb
Lâl olup terk-i cihân itdi Sa‘îdâ ‘ibret al
Şâh-i iklîm-i suhanken Tâlib-i Âmul garîb
 
 
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636