Bâg-ı hüsn içre görel’den Sidre serv-i kâmetüñ

 

396

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Ey nihâl-i kaddi nahl-ı mîve-i cânum Budak

Bâg-ı cânumda benüm serv-i hırâmânum Budak

Sen perî-şândan cüdâ budur perîşân oldugum

Görmezin sünbül saçuñ ey verd-i handânum Budak

Bâg-ı hüsn içre görel’den Sidre serv-i kâmetüñ

Hacletinden kimseye görinmez ey hânum Budak

Dest-i cevrüñdeñ neler çekdüm bilürdüñ hâlümi

Bir nazar görseñ eger çâk-ı girîbânum Budak

Gün togardı başuma ‘âlemde ey Ravzî eger

Gelse bir gün hânuma ol mihr-i rahşânum Budak

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009