Bâgdan çün gitdi zâg u degdi tevbet bülbüle

 

Bâgdan çün gitdi zâg u degdi tevbet bülbüle (558/1)

Şart ol kim tola yâkût-ıla zerrîn-bülbüle

Câm iç nergis-sıfat dutma benefşe bigi gam (558/2)

Gül-istânlarda ferhdan söyler-iken gül güle

Lâle-rûy u gonca-leb sâki elinden nûş it (558/3)

Şol şarâbı kim görüp rengini anuñ gül güle

Bî-vefâ devr-i kamerde nûş eyle câm-ı mey (558/4)

Subh-dem kumrı vü bülbül hoş iderken gulgule

Kendü-y-içün sevdi sini kamu kullar lîki ben (558/5)

Sevmişem sini senüñ-çün beñzeye mi kul kula

Sensin ol kim Zü’l-fikârı baglanup atlanıcah (558/6)

Sini her kim göre bir atlandı Haydar Düldüle

Ahmedî medhüñde çün kim râst ide nagmesin (558/7)

Kimsene kulah duta mı dahı hergiz bülbüle

 

 

 

Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,