22.08.2016
Bahayî Efendi Kasîdesi’nden Beyitler
Gel ey kalem yine eyle kemâlüni peydâ
Bu demde ol yine bir nev-zebân ile gûyâ
O nûr-ı dîde-i dâniş ki münşi-i takdir
Bu güne eylemiş evsâf-ı zâtını inşâ
Yegâne dürr-i girân-mâye-i yem-i kudret
Cüzide-gevher-i kân-ı kemâl-i sun’-ı Hudâ
Vücûda bu mebde’-i külden bu feyz ile gelmiş
Ki cüz’ iken ola zâtında lutf-ı kül peydâ
Ne şüphe zâtınun insân-ı kâmil oldugına
Ne söz vücûdına dirlerse nüshâ-i kübrâ
Zekâsı zümre-i işrakıyâna remz-âmûz
Edâsı fırka-i ilhâmiyâna nükte-nümâ
Ma’ânî-i sühanı lutf-ı nükte-i i’câz
Nikât-ı şi’ri dem-i rûh-perver-i ‘Îsâ
Kitâb-hâne-i fazlından alsa bir nüsha
Görürdi bilmedügi fenni Bû ‘Alî Sînâ
Bu oldı tab’uma lâyih ki dürc-i hatırdan
İdem güzîde niçe gevher-i dü’â vü senâ
Şikeste beste çeküp silk-i nazma dahı kılam
Hezâr ‘özr ile huddâm-ı bezmüne ihdâ
Ulüvv-i kadr ile ol pâyeye kadem basa kim
Fazilet ehli bulur anda rütbe-i ‘ulyâ
Safâ-yı tab’ ile Hak ‘ömrini ziyâde idüp
Dü’â-yı devletine iştigâl ide dünyâ
0
0
Yorum Yapmak için Kayıt Olun veya Giriş Yapın