Baña tûmâr-ı muhabbet ol nigâruñ tîridür

 

28

Fâ‘ilâtün Fâ‘ilâtün Fâ‘ilâtün Fâ‘ilün

 

1 Baña tûmâr-ı muhabbet ol nigâruñ tîridür

Boynuma ey dil hamâyil safha-i şemşîridür

2 Mürdeler ihyâ iden sensin cihânda ey sanem

Deyr-i çarha çârümin ‘Îsî de bir tasvîridür

3 Bir dirilürmüş lebüñle mürde ihyâ itmede

Çarhına tokınsa ‘Îsînüñ figânum yiridür

4 Cevr ile ol şeh beni öldürdügi takdîrce

İtmezem andan şikâyet çünki Hak takdîridür

5 Goncayı hâb-ı ‘ademden Sun‘iyâ bî-dâr iden

Bülbül-i dil-hastenüñ bu nâle-i şeb-gîridür

 

Gelibolulu Sun’î (1486- 1534) Hayatı..

 

YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep