Başumda gam-ı sevdâ bilmem neden olmışdur

 

144-

Mef`ûlü Mefâ`îlün Mef`ûlü Mefâ`îlün

 

1 Başumda gam-ı sevdâ bilmem neden olmışdur

 Ey yâr-ı siyeh-pûşem baña olan olmışdur

2 Ben mülket-i firkatde çeşmüñ gibi bîmârem

 Âhum yili kûyuñda şimdi esen olmışdur

3 Sen Mısr-ı melâhatde sultân idügüñ söyler

 Ken`ânda çeh-i Yûsuf gûyâ dehen olmışdur

4 Ser-cümle cihân halkın miskîn ider ol âhû

 Bûy-ı ser-i zülfüñden `âlem Hoten olmışdur

5 Her kim ki Ziyâ’î-veş vasf itdi leb-i la`lüñ

 Hüsrev gibi `âlemde Şîrîn-sühan olmışdur

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ