Behişt duzeh talaşur talaşmakda beyân bar

Behişt duzeh talaşur talaşmakda beyân bar
Duzeh aytur min artuk minde Fir‘avn Hâmân bar
Behişt aytur ni dirsin sözni bilmey aytursin
Sinde Fir‘avn bar bolsa mende Yûsuf Ken‘ân bar
Duzeh aytur min artuk bahîl kullar minde bar
Bahîllerni boynıda otlug zencir-keşân bar
Behişt aytur min artuk peygamberler minde bar
Peygamberler aldıda Kevser hûr u gılmân bar
Duzeh aytur min artuk tersâ cühûd minde bar
Cahûd tersâ aldıda türlüg azâb-sûzân bar
Behişt aytur min artuk mü’min kullar minde bar
Mü’minlerning aldıda türlüg ni‘met-elvân bar
Duzeh aytur min artuk zâlim kullar minde bar
Zâlimlerge birürge zehr ü zakkûm çendân bar
Behişt aytur min artuk âlim kullar minde bar
Âlimlerni könglide âyet hadîs Kur’ân bar
Duzeh aytur min artuk münâfıklar minde bar
Münâfıklar boynıda otdın işkil-keşân bar
Behişt aytur min artuk zâkir kullar minde bar
Zâkirlerni könglide zikr ü fikr-i Sübhân bar
Duzeh aytur min artuk bî-namâzlar minde bar
Bî-namazlar boynıda yılan bilen çıyan bar
Behişt aytur min artuk dîdâr körmek minde bar
Dîdârın körsetürge Rahîm atlıg Rahmân bar
Duzeh anda dik turdı behişt özrini aydı
Hâce Ahmed ni bildi bildürgüçi Yezdân bar
 
(Eraslan 1991: 328;