Belâ vü mihneti çün çekmek oldı kısmetümüz
15.09.2017
251
Mefâ‘ilün Fe‘ilâtün Mefâ‘ilün Fe‘ilün
1 Belâ vü mihneti çün çekmek oldı kısmetümüz
Diyâr-ı gurbete düşdi reh-i ‘azîmetümüz
2 Netîce ‘îd-i visâl oldugın idüp tahkîk
Firâk rûzesini çekmek oldı niyyetümüz
3 Yeter o gamze ucından cihân kırıldugına
Karîn olursa kabûle eger şehâdetümüz
4 Şarâb gibi ayaklarda pây-mâl oluruz
Ne deŋlü meclis-i rindânda olsa hürmetümüz
5 Siyâh-kâse ise her ne deŋlü çarh-ı denî
Bizüm de eşk-i revân ile var rutûbetümüz
6 Olursa sâye gibi dâmenine yüz sürmek
Felekde hem-ser olur SÂKIBÂ mezelletümüz
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
Yorum Yapmak için Kayıt Olun veya Giriş Yapın