Ben cânımı ol câna mihmân itsem gerekdür
06.06.2016
Ben cânımı ol câna mihmân itsem gerekdür
Cân Yûsufın Ken‘âna sultân itsem gerekdür
2 Yüz tuttum yollarına ‘azm itdüm güllerine
Bî-nişân illerine seyrân itsem gerekdür
3 Ben zâhidiñ gavgâsın terk eyledim ferdâsın
Bu vücûdum katresin ‘ummân itsem gerekdür
4 Gördüm yârı düşümde yokdur yañlış işimde
‘Aşkın anuñ başımda sayvân itsem gerekdür
5 Lokmân oldum bir dine dükkân oldum verdine
‘Âşıklarıñ derdine dermân itsem gerekdür
6 Gel berü pervânesin ‘aşk odına yanasın
Anca göñül hânesin külhân itsem gerekdür
7 Ümmî Sinânıñ cânı olsun dôstuñ mihmânı
Gayru’llâhdan ben beni ‘uryân itsem gerekdür
Doç. Dr. A. Azmi BİLGİN,ÜMMÎ SİNAN DİVANI,K.veTurzm.Bak.,ekitap.kulturturizm.gov.tr
