Ben eyledükçe ârzû-yı dem dem üstine
10.04.2016
Ben eyledükçe ârzû-yı dem dem üstine
Sâkî-i rüzgâr sunar sem sem üstine
Her kim ki kor öpüp lebüni fem fem üstine
Eyler cerâhat-ı diline em em üstine
Mihmân-sarây-ı sînemi yok rüft ü rûba vakt
Eyler nüzûl kâfile-i gam gam üstine
Âzâdelik ümîdin iden görmemiş gibi
Gîsû-yı yâre düşdüğini ham ham üstine
Fersûde olmamak nice mümkin revâk-ı çeşm
Çûp-ı müje bu denlü çeker nem nem üstine
Gelmiş hevâ-yı aşk ile cûş u hurûşa kim
Emvâcdan sipâh çeker yem yem üstine
Şevk-i nigâh-ı tîzün ile Kahramân-ı dil
Đmzâ-keş-i temellük olur gam gam üstine
Gördüm şarâb-hâne-i eyyâmı Nâbiyâ
Ferşinde rû-nihâde yatur Cem Cem üstine
(Bilkan 1997: 990/707)
0
1
Yorum Yapmak için Kayıt Olun veya Giriş Yapın