Beş on günlük misâfirdür tenüñde cânuñı hoş tut

Mefâ‘îlün Mefâ‘îlün Mefâ‘îlün Mefâ‘îlün

 

1.Beş on günlük misâfirdür tenüñde cânuñı hoş tut

Kafesde çarpınan murg-ı dil-i nâlânuñı hoş tut

 

2. Havâss-ı zâhir ü bâtın saña imdâd iderlerdi

İdüp insâf-ı lâ-büd sen dahı yârânuñı hoş tut

 

3.Bile düşdi senüñle bi’l-ma‘iyye kaldı bu a‘zâ

Medâr-ı vüs‘at-i devr ser ü sâmânuñı hoş tut

 

4. Çün ayrılsañ gerek bi’l-ıztırâr elbet ahibbâdan

Cefâ görseñ de Yûsuf-var sen ihvânuñı hoş tut

 

5. Emânet itdüm Allaha seni ey gözlerüm nûrı

Karîbü’l-‘ahd yolcıdur efendüm Kânî’ñi hoş tut

 

Dr. İlyas YAZAR , K Â N Î D Î V Â N I, Ankara 2012

 

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri