Bezm-i aşka nitekim pervâne geldün ey gönül

 

Fâ`ilâtün fâ`ilâtün fâ`ilâtün fâ`ilün

 

 1 Bezm-i aşka nitekim pervâne geldün ey gönül

 Yan yakıl ol şem`-i hüsne yana geldün ey gönül

 2 Hâtırum bir nesneden gâyetde mugberdür dimiş

Şübhe yokdur hâtır-ı cânâna geldün ey gönül

 3 Eglenilmez diyü gam çekme bu fânî dünyede

 Tut ki bâg-ı âleme seyrâna geldün ey gönül

 4 Vakti geçmiş ayş u nûşun devri dönmüş sâgarun

 Hazz olunmaz bir aceb devrâna geldün ey gönül

 5 Işiginde itme Yahyâ gibi bî-pervâ figân

 Asitân-ı Hazret-i sultâna geldün ey gönül

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147