Bezm-i pâk-i hüsne zîverdür o zülf ü hâl ü ruh

 

fâ’ilâtün fâ’ilâtün fâ’ilâtün fâ’ilün

 

 1. Bezm-i pâk-i hüsne zîverdür o zülf ü hâl ü ruh

 Dûd-i ‘anber micmer-i zerdür o zülf ü hâl ü ruh

 2. Gerden-i billûrun üzre gûyiyâ bir şîşede

 Sünbül ü şeb-bû gül-i terdür o zülf ü hâl ü ruh

 3. Dâg-i gam sevdâ-yi ser tâb-i ciger gitmek muhâl

 Dilde kim dâ’im musavverdür o zülf ü hâl ü ruh

 4. Şem’-i şeb-pîrâye vü per-sûhte pervâneveş

 Muttasıl germ-âşinâlardur o zülf ü hâl ü ruh

 5. Şu’le-i âha sipend olmak süveydâ-yi derûn

 Yâda geldükçe mukarrerdür o zülf ü hâl ü ruh

 6. Gülşen-i hüsn içre dâm ü dâne-i âşûb ile

 Murg-i câna kayd-i dîgerdür o zülf ü hâl ü ruh

 7. Halka-i cîm-i cemâli nokta-i nûr üzredür

 Safha-zîb-i rûy-i dil-berdür o zülf ü hâl ü ruh

 8. Sûz-i hasret merdüm-i çeşmi perîşân-hâb ider

 Tâ ki zîb-i rûy-i dil-berdür o zülf ü hâl ü ruh

 313

 9. Kıldı hüsn-i şâhid-i nazmı dü bâlâ Sâmiyâ

 Çün redîfümde mükerrerdür o zülf ü hâl ü ruh

 

(Fatma Sabiha KUTLAR OĞUZ, ARPAEMÎNİ-ZÂDE MUSTAFA SÂMΠ DİVANI https://ekitap.kulturturizm.gov.tr/Eklenti/10592,arpaeminizade-samipdf.pdf?0