Bezmümüzde câmlardur bu tokuz mînâ bizüm

 

Fâ‘ilâtün Fâ‘ilâtün Fâ‘ilâtün Fâ‘ilün(1)

 

1. Bezmümüzde câmlardur bu tokuz mînâ bizüm

 Kara yire dökdügümüz cür‘adur deryâ bizüm

2. N'ola vâdîler çeküp çâk-i girîbân eylese

 Cür‘amuzdan mest olupdur sâkiyâ deryâ bizüm

3. N'ola ger mecnûn gelüp gitdiyse bu meydâna Kays

 Cür‘amuz içdi ezel bezminde ol şeydâ bizüm

4. La‘l-i yârı yâd kıl kim pür ola meyden müdâm

 Dîdemüzden câm idin sen ey kadeh-peymâ bizüm

5. Sıgmaya öz hânesine şevk-ı şâdîden eger

 Görse mihnet-hânemüz Emrî Ebû Derdâ bizüm*

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427