405
Mefâ‘îlün/ Mefâ‘îlün/ Mefâ‘îlün/ Mefâ‘îlün
 
Bilürdüñ len-terânî remzini Mûsâ’yı söyletseñ
Ne mu‘cizler zuhûr eylerdi yâ ‘Îsâ’yı söyletseñ
Benüm ‘Îsâ-yı devrânum iderdüñ mürdeler ihyâ
Keremler kılsañ ol la‘l-i Mesîh’âsâ’yı söyletseñ
Kıyâmet kopar olmaz ol temâm ey serv-i hoş-bâlâ
Kıyâmet kaddüñ evsâfında her eşyâyı söyletseñ
Senüñ hüsnüñ me‘ânîsin beyâna kâdir olmazlar
Sen ey ser-defter-i hûbân eger dünyâyı söyletseñ
Benüm bârân-ı eşkümden dökülgen katre-i kemter
Gözüm yaşına ter düşmiş yidi deryâyı söyletseñ
Dehân açsa eger gonce tolar hoş-bûyile ‘âlem
Safâlar kesb ider cân ol gül-i ra‘nâyı söyletseñ
Yine şeh-bâz-ı tab‘-ı Ravzi pervâz-ı bülend itdi
Begenmez degme bir zâgı eger ‘ankâyı söyletsen
 
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009