Gazel
 
11
 Mefâ`îlün mefâ`îlün mefâ`îlün mefâ`îlün
 
1 Bir âyîneyle Iskender nice benzer sana cânâ
 Senün her bakdugun mir'ât olur `âlem-nümâ cânâ
 
2 Hatâ ile rakîbe atma lutf it hâtırum gözle
 Hadeng-i cân-sitânun eylemez çünkim hatâ cânâ
 
3 Gönül almak dilersen gel beri bâzâr mümkündür
 Müsâ`idse eger ser-mâye-i mihr ü vefâ cânâ
 
4 Gam-ı aşkunla döndüm za`fdan bir mûy-ı bârîke
 Firâkun âteşine döymeyüp oldum dü-tâ cânâ
 
5 Dil-i Yahyâ-yı şeydâyile kullâb-ı ser-i zülfün
 Keş-â-keşden halâs olmazsa da senden yana cânâ
 
Hasan KAVRUK,  ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/