Bir benek altunlı geymiş yine cânânum benüm

 

243

- . - - / - . - - /- . - - /- . –

 

Bir benek altunlı geymiş yine cânânum benüm

Seyr ider yılduzlar ile mâh-ı tâbânum benüm

 

Âteş-i ‘ışkun Halîliyem ki dâğ-ı şevkden

Od iken tâze gülistân oldı her yanum benüm

 

Lâle gibi sînemün dâğın nice fâş itmeyem

İndi çak dâmânuma çâk-i girîbânum benüm

 

Gaybdan ağzı haber virmezdi her dem goncaya

Hızra yoldaş olmasa serv-i hırâmânum benüm

 

Gülsitân seyrin iden gelsün Revânî yanuma

Gül gibi açılmasun her yirde dîvânum benüm

 

Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8