Fâ‘ilâtün fâ‘ilâtün fâ‘ilâtün fâ‘ilün
1 Bir yañaguñ mâh olupdur bir yañaguñ âfitâb
Hîç gelür mi ol melek ruhsârıña ‘âlemde tâb
2 Saña beñzer var mı cânâ dil-ber-i sâhib-cemâl
Gelmemiş misliñ cihâna ey şeh-i ‘âlî-cenâb
18b 3 Lücce-i vahdetde gavvâs oldıgıñ azher ke-şems
Sensin ol dürr-i yegâne sâ’iri mevc ü habâb
4 Öyle bir zât-ı sa‘âdetsiñ ki künhüñ añlamaz
Ristotâlîs ü Felâtûn cümlesi hayret-me’âb
5 Sıdkiyâ ol âfetiñ vasfıñda diller çâk-çâk
Hâsılı hüsni bilinmez vechine çekmiş nikâb
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0