Gazel

 

Bîşe-i gam şîriyiz deşt-i mahabbet bekleriz

Ya‘nî âhû-çeşmler saydına fırsat bekleriz

 

Şehr-i cânı seng-i mihnetle gam etmiştir hisâr

Nâlemizle biz beden burcunda nevbet bekleriz

 

Yalın itsek n'ola tîg-ı âh-ı âteş-bârımız

Bir harâmî-çeşm ile der-bend-i mihnet bekleriz

 

Aşk şâhı sîne sahrâsına kurmuştur otağ

Biz sipâh-ı derd ile râh-ı mahabbet bekleriz

 

Emriyâ bâd-ı hevâ sanma asâ-yı âhımız

Eşiginde bir şehin bâb-ı sa‘âdet bekleriz

 

Prof. Dr. Mehmet A. Yekta SARAÇ, https://www.turkedebiyatiisimlersozlugu.com/index.php?sayfa=detay&detay=3630