Mefâ‘îlün Mefâ‘îlün Mefâ‘îlün Mefâ‘îlün

 

1. Bu çâk-i sîneye yer yer refûlar hep senüñçündür

Bu köhne câmeye bu reng ü rûlar hep senüñçündür

 

2. Niçün ey mug-beçe ey duht-ı rez sultanlık itmezsin

Miyân-ı mey-keşânda hây u hûlar hep senüñçündür

 

3. Bu sâbuñu’l-humûmı nûşdan maksad hakîkatde

Bu câme şûy-ı cismi şüst-şûlar hep senüñçündür

 

4. Sebûdan sâgara ilkâ vü sâgardan leb-i rinde

Leb-i rindândan bu güft-gûlar hep senüñçündür

 

5. Akıtmak seng-diller ‘ışkına deryâçe-i eşki

Urulmak böyle taşdan taşa cûlar hep senüñçündür

 

6. Yetişdür ey nihâl-i tâk-i tohm-ı duht-ı engûrı

Yere tohm-ı kedûdan ser-fürûlar hep senüñçündür

 

Dr. İlyas YAZAR , K Â N Î D Î V Â N I, Ankara 2012

 

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri