Mefāʿīlün mefāʿīlün mefāʿīlün mefāʿīlün
Bu göñlüm zevraḳın aldı bu gün bir ġonce-leb gül-ruẖ
Yaşum deryāsına ṣaldı bu gün bir ġonce-leb gül-ruẖ
Bülendī ḳaddi nāzile ṣalınup ser-firāzile
Gülistān ṣaḥnına geldi bu gün ġonce-leb gül-ruẖ
Belā-keş bülbülüm bildi fiġānumdan ṣafā buldu
Yüzüme gül gibi güldi bu gün ġonce-leb gül-ruẖ
Dile gerçi cefā ḳıldı birine biñ vefā ḳıldı
Bize vaṣlın ʿatā ḳıldı bu gün ġonce-leb gül-ruẖ
Alup şīrīn-ẕebān ile elinden Mihrīnüñ varın
Aha geldüm didi yeldi bu gün ġonce-leb gül-ruẖ
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
0
0
Yorum Yapmak için Kayıt Olun veya Giriş Yapın