Gazel
12
Mefâ`îlün mefâ`îlün mefâ`îlün mefâ`îlün
1 Bu kuyun kim gedâ-yı bî-ser ü sâmânıyuz cânâ
` Aceb âlemdeyüz kim âlemün sultânıyuz cânâ
2 Gubâr-ı hattunun hayrânı olduk niçe günlerdür
Bizi güldürmedün bir gün anun hayranıyuz cânâ
3 Dirîgâ bir nefes dinlenmedük gülzâr-ı `âlemde
Bu bâgun niçe yıldur bülbül-i nâlânıyuz cânâ
4 Bizi bilsek niçün ser-defter-i `uşşâk yazmazsun
Bilürsin nâme-i derd ü belâ `unvânıyuz cânâ
5 Dime Yahyâ neden pîr-i mugâna ser-fürû itmek
Bilelden kendümüz şermende-i ihsânıyuz cânâ
Hasan KAVRUK, ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/