Bu müddetde ki düşürdi felek bini cüœâ senden
20.06.2017
Bu müddetde ki düşürdi felek bini cüœâ senden (483/1)
Bu derd ü rence ugradum ırag olsun şehâ senden
Sabâya karşu vardum kim haber sora-y-ıdum şehden (483/2)
Velîkin bî-haber oldum şehâ zülfüñ hevâsından
Çün ölem getüre devlet seni topragum üstine (483/3)
Kefen gonca bigi yırtam diyem şeh merhabâsından
Ne dil-teng oldı bah gonca-lebüñüñ iştiyâkından (483/4)
Ne derleyüp kızardı gör güli yüzüñ hayâsından
Meger kim müşg zülfüñe itdi sehv-ile (483/5)
Ki_adı irdi Hıtâya_anuñ bu sehvi-y-le hatasından
Benefşe reng ü bû-y-ıla senüñ zülfüñe öykünmiş (483/6)
Sabâ bu cürm-içün anuñ dilin çekdi kafâsından
Senüñ yüzüñ gülü vasfın diyicek Ahmedî bi’llah (483/7)
Olur ser-mest bülbüller anuñ oh hoş nevâsından
Bu gün ihyâda yig geldi lebüñ enfâsı Îsâdan (484/1)
Anuñ-çun oldı hurrem ter-çemen Firdevs-i alâdan
Te’emmül it ne sanatlar olur peyœâ anasırdan (484/2)
Tefekkür it ne sûretler gelür zâhir heyülâdan
Dile başlayuban bülbül güle teşrîf idüben gül (484/3)
Ne âyîn tâze itdiler gör ol Mecnûn u Leylâdan
Sabâ bir şemme zülfüñden reyâhîne haber virdi (484/4)
Benefşe_ol vadeye boynın egüp kaldı temennâdan
Yüzüñe gül dilemiş kim teşebbüh ide gül-şende (484/5)
Nic ehl-i hayâdur ol ki utanmadı Mevlâdan
Yañaguñ renginüñ aksi irişdi lâleye nâ-geh (484/6)
Yüregi karara yandı anuñ nûr-ı tecellâdan
Gözüñe nergis öykünmiş aña dil uzadup sûsen (484/7)
Didi illâ hayâsuzlıh hâsıl çeşm-i amadan
Lebüñ şîrîn nümûnedür sorana havz-ı kevserden (484/8)
Kadüñ togrı nişânedür sorana şâh-ı tûbâdan
Berü sun iy sanem câmı alalum dünyadan kâmı (484/9)
Bugün kim tâze-ter oldı gül-istân bâgı ukbâdan
Koma lâle bigi bir dem elüñden câm-ı gül-rengi (484/10)
Ki kimse reng almadı riyâlu zühd ü takvâdan
Yüzün gül-zârına bülbül olalı Ahmedî olmış (484/11)
Cihânda gün bigi rûşen-latîf ü hûb-manâdan
Utârid müşteri oldı sözine lîki ne assı (484/12)
Çü tâli bulmadı bulmaz kimesne şir ü inşâdan
Bu cavk-ı Sâmirî filin nice defideyim Yâ-Rab (484/13)
Bunuñla kim sebak sebak iltür sözümicâz-ı Mûsâdan
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
