Bu mürg-ı dil bu gülistânda âşiyân mı kodı
30.07.2017
Mefâ‘ilün Fe‘ilâtün Mefâ‘ilün Fe‘ilün
1. Bu mürg-ı dil bu gülistânda âşiyân mı kodı
Tutuşmaduk gam-ı ‘ışkıyla gülistân mı kodı
2. Hayâl-i rûy-ı dil-ârâmuñ ile tıfl-ı emel
Okutmaduk saña bir pend mi gülistân mı kodı
3. Mürîd-i ‘ışk olalı râzdâr-ı gamze-i yâr
Bu âsitânede öpmedük âsitân mı kodı
4.4b Belüm büküldi o ebrûdan olmadum ber-kâm
Kepâze eylemedük tîr mi kemân mı kodı
5.5b Konuşdı Zeyd ü ‘Amr ile büt-i fedâkârum
Fülân fisütikizinden fülân fülân mı kodı
6. Tekellüm eylemege var mı nâzdan ruhsat
Zebâne-i sitem anda zebân dehân mı kodı
7. Ne hoş kadem idi nevk-i hadeng-i nâz ammâ
Tegâfül-i nigehî bizde hîç tabân mı kodı
8. Amân zamân virürse o bî-amân virmez
O bî-amân felekde amân zamân mı kodı
9. Rakîb-i hûn be-Hakk dile fedâ idemez
O bî-rahîm bu fıkıhlardan hîç zamân mı kodı
10. Nigâh-ı nâza da kâ’il idük dirîg itdi
Zebân-ı nâz yine yâ bâri tercemân mı kodı
11. Rakîbe itmeden isrâf amân şîvelerin
Amânsız nigehüñ virecek amân mı kodı
12. Amân amân diyerek pây-ı nâza düşmüş idüm
Belâ bu düşmege de tâkât ü tüvân mı kodı
13.13b Er oglı erligini gördi ol dehen tengüñ
Dil ol fikirle Semerkand mı Ardahân mı kodı
14. Kimin menâkib-i şevke kimini dûş-ı dile
Gamın o âfet-i ‘uşşâk-küş yabân mı kodı
15.15b Göñül mu‘âvedet-i gurbeti revâ görmez
O cân-pâresine cân tek armagân mı kodı
16. Medîh-i lü’lü-i dendân u la‘l-i nâbuñda
Bu Kânî sarf idecek mâ-hasal mı kân mı kodı
Dr. İlyas YAZAR , K Â N Î D Î V Â N I, Ankara 2012
Yorum Yapmak için Kayıt Olun veya Giriş Yapın