Bu sâkî-i pür-cevr ü cefânuŋ nesin alduk

 

349

 Mef‘ûlü Mefâ‘îlü Mefâ‘îlü Fe‘ûlün

 

1 Bu sâkî-i pür-cevr ü cefânuŋ nesin alduk

 Her dem bize kan yutdurur anuŋ nesin alduk

 

2 Ta‘kîbdedür pey-be-pey emvâc-ı havâdîS

 Biz bu yem-i pür-şûr u belânuŋ nesin alduk

 

3 Mir’ât-ı dili her nefes itmekde şikeste

 Âyâ felek-i tîre-likânuŋ nesin alduk

 

4 Hâr-ı sitemi dâmenümüz eyledi sad-çâk

 Bu gülşen-i bî-reng-i cihânuŋ nesin alduk

 

5 Nâ-kâmlıgı SÂKIB ider var ise tahmîl

 Biz yohsa bu bâzâr-ı fenânuŋ nesin alduk