16-

Fe`ilâtün Fe`ilâtün Fe`ilâtün Fe`ilün

 

1 Bugün ol şûh-ı cihân nâ-geh elüñ saldı baña

 Çın seher pençe-i hurşîd hemân kaldı taña

2 Şöyle şevk irdi baña el salıcak cânânum

 Yed-i beyzâyı `ıyân itdi sanurdum Mûsâ

3 Gâh olur el salar ol yâr baña âh itsem

 Gül-i gül-şen salınur bâd-ı sabâdan gûyâ

4 Kim bakar yâsemenüñ bâgda salındugına

 Nâ-gehân el salıcak ol sanem-i bî-hemtâ

5 El salar gerçi Ziyâ’îye işâretler ider

 Salınur eller anuñ iki yanında ammâ

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ