Bunca dem sarkardı bûs-ı dâmen-i cânâna zülf
12.09.2017
120.
- . - - / - . - - / - . - - / - . –
1.Bunca dem sarkardı bûs-ı dâmen-i cânâna zülf
‘Azm idüp kodı bu yoldan başını dâmâna zülf
2.Çâh-ı mârândur zenahdânuñ ki anda varıcak
Beñzedi Câmasb’a dil döndi şeh-i mârâna zülf
3.Kesseler nola elin meydân-ı hüsnüñde şehâ
İtdi pâyüñe düşen nakd-i dil-i nâlâna zülf
4.Oldı altından gubâr-ı hatt-ı rûyuñ âşikâr
Döndi gülzâr içre yatmış mâr-ı müşg-efşâna zülf
5.Ey ‘Atâyî ‘aşk ile şöyle sarılmış yâre kim
Beñzer ol servüñ belinde ‘âşık-ı bî-câna zülf
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
Yorum Yapmak için Kayıt Olun veya Giriş Yapın