Bûse ‘ahdinde nola dil olsa hayrânun senün
12.10.2017
195
- . - - / - . - - /- . - - /- . –
Bûse ‘ahdinde nola dil olsa hayrânun senün
Ağzına bal çaldı la’l-i şekker-efşânun senün
Sâkiyâ sunmaz mısın dahı vefâ peymânesin
Kanı a zâlim bizümle ‘ahd ü peymânun senün
Nola kılsan bendene yine cefâ vü cevrüni
Şimdi mi gördük efendi lutf u ihsânun senün
Başına gün toğmaduk bir nice yüzü karalar
Ah kim terk eylemezler sâyeveş yanun senün
Tîrün ucından enâra döndi gönlüm dostum
Dânelerdür anda gûyâ kanlu peykânun senün
Hulle-i firdevsdür nâzük tenünde pîrehen
Revzen-i cennetdür ey hûrî ğirîbânun senün
Sûz-ı eş’ârun Revânî yakdı ‘âlem halkını
Oda yansun defter ü tomâr u dîvânun senün
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
