Bütân kim çeşmimiz hasretle pür-hûn eylemişlerdir
02.07.2016
Bütân kim çeşmimiz hasretle pür-hûn eylemişlerdir
Kumâş-ı nâz-ı ol rengile gülgûn eylemişlerdir
Çerâg-ı dâga revgan yakdılar âb-ı zümürrüdden
Bu ef’i-zâra kim derd ehli şebhûn eylemişlerdir
Bu bâgın bülbülân-ı aşkı kim pervâne meşrebdir
Gül-i nezareten fânûs-ı gülgûn eylemişlerdir
O gülgûn dîdeler kim garka-i deryâ-yı vahşetdir
Kef-i mecrân-ı dâmen-gîr-i hâmûn eylemişlerdir
Herâr-ınâleyi fevvâre-i neyden saçup uşşâk
Fişeng-i âh ile sûr-ı hümâyûn eylemişlerdir
Koyanlar cadde-i acz ü niyâza nakş-ı ebrûsun
Semend-i iştihâre na’l-i vârûn eylemişlerdir
Olup şöhret talebler dest-bûs-ı halka hâcet-mend
Kef-i deryûzeyi gûyâ dîger-gûn eylemişlerdir
Rikâb-âsâ basarlar pâların müjgân-ı şîrâna
Taalluk hârını anlar ki bîrûn eylemişlerdir
Devirde sâkiyân-ı zehr-i minnet ber murâd olsun
Bizi kat’ -ı recâ bahiyle memnûn eylemişlerdir
Nesc-i kâkülünden eyleyenler naIme-perdâzî
Hu’â-ı âfitâb-ı târ-ı kânûn-ı eylemişlerdir
Kızarmış nâb-ı meyden gördüm ol şâhâne gözler kim
Nigeh başına bir kan etme kânûn eylemişlerdir
Yazılmış d" kitâb-ı devr-i âdem nesr ile Gâlib
Gürûh-ı mevlevî ol nesr-i mevzûn eylemişlerdir
https://ekitap.kulturturizm.gov.tr/Eklenti/10654,metinpdf.pdf?0
Yorum Yapmak için Kayıt Olun veya Giriş Yapın