Müstef`ilün müstef`ilün müstef`ilün müstef`ilün

 

 1 Bûy-ı vefâ tuymazdı dil ol hatt-ı müşgîn olmasa

 Gülzârdan olmaz safâ seyr-i reyâhîn olmasa

 2 `Akl u karâr u sabrumı yagma iderse gam degül

 Tâtâr gamzen dil-berâ gâretger-i dîn olmasa

 3 Cânâ nezâketle lebün benzer tokundı bâdeye

 Böyle kızarmazdı eger gâyetde rengîn olmasa

 4 `Alem görinmezdi şehâ ben mübtelânun gözine

 Hâk-i harîmün sürme-i çeşm-i cihân-bîn olmasa

 5 Şi`rün o yâr-i nâzenîn almazdı Yahyâ agzına

 La`l-i revân-bahşı gibi rengîn ü şîrîn olmasa

                                                                                                                                    

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147