Cân eger endûhdan efkâr ise serper çıkar
14.04.2016
Fâ‘ilâtün Fâ‘ilâtün Fâ‘ilâtün Fâ‘ilün
1.Cân eger endûhdan efkâr ise serper çıkar
Dil verâdan reste-i efkâr ise serper çıkar
2. Rûzgâruñ pâk dâmenler çeker serpindisin
Kande bir âlûde dâmen var ise serper çıkar
3. Dîde-i tûfânzâr eşk içre iki girdâbdur
Çâr-mevc-i giryedür ya bâr ise serper çıkar
4. Mezheb-i Mansûr-ı ehl-i Hakkı te’yîd eyleyen
Zülf-i müşgin-tâbına ber-dâr ise serper çıkar
5. Bi’t-tav‘ ikbâle istidbâr iden müstagniyân
Gavta-hºâr-ı kulzüm-i idbâr ise serper çıkar
6. Rûzgâr ile olan keştî-i kâma nâ-Hudâ
Bâdbân-ı himmeti derkâr ise serper çıkar
7. Deşt-i vahşetgâh-ı iklîm-i cünûn güm-geştesi
Rüşdi tam ‘aklı başına yâr ise serper çıkar
8.Hûn-ı katlâ-yı şehîdânda şinâh eyler göñül
Şems-i ser der-destveş-i serbâr ise serper çıkar
9. Kâni-i şûhın edâ hum-hâne-i ‘ışka düşüp
Neş’e cûyâ-yı dil-i hüşyâr ise serper çıkar
Dr. İlyas YAZAR , K Â N Î D Î V Â N I, Ankara 2012
0
0
Yorum Yapmak için Kayıt Olun veya Giriş Yapın