Cânâ güzel olursa baña sen gibi olsa
29.07.2017
Mef‘ûlü Mefâ‘îlü Mefâ‘îlü Fe‘ûlün
1. Cânâ güzel olursa baña sen gibi olsa
‘Âşıkda olursa saña hep ben gibi olsa
2.2a Hâl-i siyeh-i ‘anbere ta‘n eylese ammâ
Ol şûh-ı siyeh-çerde hemân ben gibi olsa
3. Keştî-i tevekkülle göñül eylese gül-geşt
Himmet aña bambaşkaca yelken gibi olsa
4. Te’sîrde her gamze birer tîr-i hevâyî
Müjgânlar ammâ ser-i sûzen gibi olsa
5. Sürünse yürise bilece ‘âşık-ı zâruñ
Pâ-tâbe-girîbân ser-i dâmen gibi olsa
6. Her dâg-ı dil ‘âşıkını eylese rûşen
Sûrâhları sînede revzen gibi olsa
7. Her şerha birer serv-i serâ gülşen-i tahkîk
Her yâre siyeh-gonçe-i sûsen gibi olsa
8. ‘Âşık kalıcak râh-ı mahabbetde piyâde
Şevk u talebi esvâtla tevsen gibi olsa
9. Her gevher-i esrâr dizilse reg-i câna
Sandûka-i derûn cân evi mahzen gibi olsa
10. Bu çarh u havâdis ile Kânî ‘urefâya
Teşbîh-i kef ü deste vü hâven gibi olsa
Dr. İlyas YAZAR , K Â N Î D Î V Â N I, Ankara 2012
