Gazel
14
Fâ`ilâtün fâ`ilâtün fâ`ilâtün fâ`ilün
1 Cânı kullâb-ı ser-i zülfün çeker senden yana
Gûşe-i çeşmün ne var olsa eger benden yana
2 Gonce-i la`lün gül-i rûyun görenler neylesün
Ey boyı servüm varup bir dahı gülşenden yana
3 Ol sehî kaddi görenler hançer-i zerrîn ile
Iltifât itmez çemende serv ü sûsenden yana
4 Zâhidi tercih ider mi rinde sâhib-tab` olan
Dinledüm güftârını vâ`iz de gevdenden yana
5 Korkarın Yahyâ ki pûlâd olsa da te'sîr ider
Tîr-i âhun kim vara ol kalbi âhenden yana
Hasan KAVRUK, ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/