95
mefʿūlü mefāʿīlü mefāʿīlü feʿūlün
Cedvelden iñen çıḳma ki pergāra çekerler
Ṭoġrı yolına gitmeyeni dāra çekerler
Ġālil yürüme ayaġı tozında gözüñ aç
Ki ̮ol sürmeyi şol dīde·i bīdāra çekerler
Gül devridürür ġonca-leb ü ḥoḳḳa-dehenler
Terk eyler iseñ bādeyi esrāra çekerler
Āşüfteler ol ġamze·i ẖūn-rīzüñ ucından
Ḫançerler ile sīnelere yara çekerler
Şimşād ṣalınmaḳda elüm var dimesün kim
Güzeller anı şīve·i reftāra çekerler
Gül Yūsufı devrüñde güzellik ṣatamaz hīç
Gün başına bir gerçi ki bāzāra çekerler
Bülbül çaġırur ṣalar elin ṭurra·i şimşād
ʿĀḳılları hep cānib·i gül-zāra çekerler
Gül devridürür ser-ẖōş ol utanma Necātī
Ḫaclet raḳamın cebhe·i hüş-yāra çekerler
Ali Nihad Tarlan, Necāti Divanı -