Çeküp câmı bir iki katre koymuş anda cânânum

 

Mefâ`îlün mefâ`îlün mefâ`îlün mefâ`îlün

 

 1 Çeküp câmı bir iki katre koymuş anda cânânum

 Içince leblerün emmiş kadar hazz eyledi cânum

 2 Cebînün ebruvânun ârızun hâl-i `izârundur

 Meh-i bedrüm hilâlüm âftâbum necm-i rahşânum

 3 Hum-ı dil mâyelenmiş dilde bir cüz'îce aşk olsa

 Virür bir neşve kim şehri tutar feryâd u efgânum

 4 Seni sakındugum çün söylerüm lutf eyle incitme

 Sıyup dil şîşesini eyleme pâ-mâl sultânum

 5 Hele agyâr-ı bed-hâhun ayâgın kesdi ey Yahyâ

 Sıdı dil şîşesin vardukça gerçi şâh-ı hûbânum

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147